Mér líður eins og skúringartusku..

Alltaf þegar ég sé smá ljóstýru og mér dýft aftur ofan í fötuna og heyri óminn af einhverju muldri þ.e vertu nú góður og þegiðu.

Þetta fjármáleftirlit er nú að verða einn allsherjar brandari. Hvert málið á fætur öðru. Vita gagnslaus stofnun og ætlast til þess að almenningur gleypi þetta svona.

Á ég að trúa því að Birna hafi ekkert fylgst með bréfunum sínum í heilt ár ?

Hafði hún engar áhyggjur af láninu sem hún tók. Ekkert borgað kannski ?

Melkorka ehf hlítur að skila efnahags og rekstrarreikningi til RSK ?

Bankinn líka. Lánaði hann ekki ?

Er ekki skrifað undir neina pappíra ????

Og hvað með það þegar búið er að tilkynna til FME um kaupin, stendur það ekki ?

Hvernig fær FME staðfestingu og er hún þá ekki sannreynd ?

Jafningjarnir sjá greinilega um sína

FME aðhefst ekki vegna viðskipta Birnu

LOL

"Hjálp" ég get ekki hætt að hlægja eða á ég að gráta.

Kaupþing auglýsir eftir umboðsmanni viðskiptavina

Íslenska leiðin

Íslenska leiðin  

1. Verðtryggður kreppuvíxill verður sendur á alla sem tóku þátt í góðærinu. Reiknuð verður hlutdeild viðkomandi undanfarin 8-10 ár og tekið tillit til tekna og eigna sem hafa skapast á þessu tímabili ásamt lántökum. Sama verður gert við öll fyrirtæki. Þetta ætti að tryggja  að sakleysingjar, börn og gamalmenni  lendi ekki í greiðslu á því sem það tók ekki þátt í. Einnig ætti þetta að tryggja það að hver og einn borgar það sem hann á skilið hver sem hann er og hvar sem hann hefur aðsetur í nánustu framtíð. Þeir sem sukkuðu taka út timburmennina.

 

1. Hætt verði við að afnema lífeyrisfrumvarpið góða sem Alþingi samþykkti handa sjálfu sér. Þess í stað verði séð til þess að 75% af þessari  greiðslu berist til ríkissjóðs strax aftur til niðurgreiðslu á láni IMF. Seinna þegar skuldir þjóðarinnar hafa verið greiddar og eða orðnar hæfilegar mætti nota þessar greiðslur til ýmissa hjálparstarfa.  Frumvarpið verði aldrei dregið til baka til að áminna okkur um þessa spillingartíma og þá valdsþjófa sem voguðu sér að framkvæma og samþykkja þetta voðaverk um hábjartan dag á Alþingi Íslendinga.

 

1. Þjóðstjórn verði sett strax á laggirnar án fyrrverandi  pólitíkusa, lýðskrumara og  þeirra niðja. Þetta fólk getur ekki unnið saman í dag og þarf því að skipta því út strax, öllu saman. Alveg sama hvað þau segja og telja sig mikilvæg, að ef sú staða kemur upp að þau neita að yfirgefa stólanna sína skulu þáu tekin með valdi og ekið með þau í nokkrum langferðabifreiðum í kirkjugarðinn og þeim bent á að stór hluti íbúa kirkjugarðanna töldu sig ómissandi. Þetta yrði örugglega stórskemmtileg skoðunarferð og best væri að enda skoðunarferðina hjá einhverjum dauðum stórspekingi eins og JS.

 

1. Aflúsa stjórnkerfið, og hreinsa vel.

 

1. Nýr forseti kosinn strax.

 

1. Reglulegt rýni og endurskoðun í þágu almennings á reglum og gildum samfélagsins. Gert af almenningi ekki ef einhverjum forsjáhyggjusinnum.

  

1. Séð verði til þess að allir ráðherrar og alþingismenn sl 10 ára verði hýddir á viðeigandi hátt á opnberum vettvangi fyrir að óvirða Alþingi Íslendinga, þessa virðulegu stofnun til nokkur hundruða ára sem hefur verið virt um allan heim.

 

1. Flokkaskipulag er úrelt og skapar spillingu. Kjósum  persónur, sem hægt er að persónugera. Allir sem fara í framboð skuli fara í sérstök námskeið sem gefi þeim rétt til að fara í framboð. M.a verði þar kennt hvernig og hvenær á að segja af sér, læra að segja satt og fleira er varðar mannleg samskipti. Einnig verða viðkomandi að taka minnispróf og kunna að tala mannamál. Einnig þurfa þeir að sverja eiðstaf um að hagsmunir almennings gangi framar en einkapot, fjölskyldutengs, og vinatengls. Pólitísk skyldleikaræktun í vinnu og úthlutun á störfum innan ríkisstofnana verði stranglega bönnuð sem og önnur hagsmunatengsl.

 

1. Enginn geti verið alþingismaður lengur en 8 ár og sama á við um ráðherra.

 

1. Hæstu laun ríkisstarfsmanns geti ekki verið hærri en sem nemur fjórföldum atvinnuleysisbótum eða lágmarkslaunum verkamanns. Lög verði sett um ofurlaun og þau bönnuð í einkageiranum.

 

1. Fækka ráðherrum og alþingismönnum um helming.

 

1. Allir sem fara í nám á háskólastigi skulu vinna þegnskylduvinnu í 2 ár eftir að námi lýkur hjá einhverrri ríkisstofnun eða fyrirtæki sem hæfir menntun og á lágmarkslaunum verkamanns.

 

1. Gerðar verði styttur af öllum alþingismönnum og ráðherrum undanfarin 10 ár og þeim komið fyrir á leiðinni til Þingvalla á áberandi stað eða meðfram veginum.

 

1. Sambærilegt verður gert með svokallaða  útrásarvíkinga. Hugsanlega mætti setja upp nútíma víkingaþorp, þ.e að í stað víkingaskips kæmi snekkja eða einkaþota o.s.fr. Aðgangur verði gegn vægu verði og þar geti gestir skoðað helstu afrek útrásarvíkinganna t.d hringormaútrásavíkingaaðferðina o.fl.

 

1. Álverin verði þjóðnýtt og ál -afurðir fullunnar hér. Sama á við um allar þjóðarauðlindir að þær skulu vera í eigu þjóðarinnar og ekki seldar úr landi nema einhver virðisaukning hafi átt sér stað hérlendis og tryggt sé að hagnaður skili sér til þjóðarinnar s.s fisk, landbúnað, vatn, rafmagn, olíu. 

Skammtímaminnið fræga

Er það er ekki bara farið að virka.

Stjórnin, ráðamenn og fjárglæframenn svara engu eða láta ekki sjá sig og allt gleymist smátt og smátt og síðan  fennir yfir þetta í rólegheitum og enginn þarf að svara einu og neinu og svo kjósum við allt þetta sama lið yfir okkur og allir verða "Happy all over again" enda erum við svo aumingjagóð þegar brauðmolarnir hrökkva af veisluborðinu

„Ábyrgðin er ekki okkar“

Alvöru skuldafangelsi

Já þetta er að verða alvöru skuldafangelsi.

Ætlum við virkilega að að láta þetta yfir okkur ganga. Þegar verðbólguskotið er komið inn á lánið og höfuðstóllinn og  hver afborgun hækkar um 20-30 % og húseignin étinn upp þá á maður náttúrulega að hætta að greiða.

 

Hver ætlar að kaupa eignina þegar x margar milljónir hvíla á henni umfram markaðsverð ?

Ætlar eigandinn að borga mismuninn til að geta létt veðinu af við söluna?

Hvar fær hann pening þegar hann er kominn í þrot ?

Hjá bankanum og með veði í hverju ?

 

Verða ekki til nokkur þúsund eignir tómar á höfuðborgarsvæðinu þegar ca 15.000  farandverkamenn eru farnir ?

Verða ekki enn aðrar nokkuð þúsund eignir lausar þegar þeir sem hafa menntun og getu eru farnir erlendis í atvinnuleit og leit að miklu betri lífskjörum ?

Verða ekki enn nokkur þúsund eignir enn lausar sem eru núna lausar vegna offramboðs ?

 

Ég spái því að fasteignaverð og markaðurinn verði algjört nammi namm fyrir þá sem eiga einhverja peninga eða geta með einhverri spillingu og siðleysi náð sér í pening og keypt ódýrar og góðar eignir næstu 10-15 árin.

 

Alvöru afborgandi í dag á að hætta að greiða af láninu strax sjái hann fram á það að hann ráði ekki við lánin og geti ekki eignast eitthvað í eigninni næstu árin.

 

Sennilega verður nóg framboð á leiguhúsnæði á góðum kjörum og hægt að leigja öruggt og ódýrt og stinga mismuninum undir koddann eða á verðtryggðan reikning.

 

Ef nægjanlega margir gera þetta að þá verður líka eitthvað gert í þessum málum til að tryggja það að allir sem gera samning um eignakaup þ.e kaupandi og lánveitandi græði eða tapi jafnt í þessum aðstæðum, og að öll áhættan liggi ekki bara hjá greiðandanum.

Frysting jafnvel óhjákvæmileg

Í burt með þig lýðskrumari

Í burt með þig lýðskrumari og taktu aðra með þér.

Lýðræðishreyfingin fundar

Jarðaför ríkisstjórnarinnar

Já sennilega er hún hafin. Sat hér heima og fylgdist með jarðaförinni í ríkiskassanum. Frábær svipbriði á þessu stjórnarliði og jafnframt ömurlegt að horfa upp á þá sessunauta Helga Hjörvar og Árna Pál flissa eins og littla krakka allann tímann og jafnvel klappa fyrir ákúrunum sem beint var að þeim öllum. Hafa sennilega ekki áttað sig á því að þeir voru mættir í sína jarðaför sem pólitíkusar.

Horfi hérna yfir kirkjugarðinn sem er fullur af fólki,  sem taldi sig ómissandi.......

„Þetta er þjóðin“

Mestu hamfarir Íslandssögunar..

Þetta sagði hæstvirtur þingmaður hér áðan. Hún ætti að skoða söguna aðeins betur. Hún mætti t.d prófa að lenda í almennilegri farsótt þar sem nokkur þúsund manns farast, lenda í einu Vestmannaeyjagosi og horfa á eftir húsi og eigum undir rennandi hraun, eða t.d að ranka við sér í svartnætti eftri snjóflóð. Ég held að hún ætti að skila aðgangskortinu að Alþingi og fara að gera eitthvað annað en að stunda umræðustjórnmál og vera til trafala fyrir sveitafélög sem eru á kafi í uppbyggingu og framþróun. í burtu með þig...ásamt fleirum vinnufélögum.

 

Aðventuna á ekki að nýta í kosningabaráttu

Verðtryggt ?

Er þetta verðtryggt..............

IMF samþykkir lán til Íslands

Látum þetta heita réttu nafni...

Hér er verið að tala um að lengja og þyngja greiðslubyrði en ekki "létta" þegar upp er staðið.